ЕЦБ ја затвори вратата кон дополнително намалување на каматните стапки

Добивај вести на Viber

Европската централна банка (ЕЦБ) ја остави својата програма за квантитативните олеснување без промена во четвртокот, но ја затвори вратата кон дополнителни намалувања на каматните стапки, додека инфлацијата останува под целта покрај забрзувањето на економски раст, соопштува Ројтерс.

Програмата со стимулации на ЕЦБ планира стекнување на обврзници за 2,3 трилиони евра, а банката им наплаќа на доверителите кои држат непотребен кеш, преку негативни каматни стапки, во обид да го стимулира растот на цените во еврозоната до целта од малку под 2%.

Иако инфлацијата се стабилизира на ниво над 1%, ЕЦБ останува неволно настроена кон затегнување на политиката, бидејќи стравува дека забрзувањето неодамна се должи главно на енергетските цени, а растот на платите продолжува да е слаб.

Во насоките од четврток ЕЦБ вели дека очекува клучните каматни стапки да останат на сегашното ниво на неодредено време и доста по крајот на купувања на средства. Во насоките од претходните решенија сепак банката обично посочуваше дека каматните стапки ќе останат на сегашното „или пониско“ ниво, а токму тоа ја сугерира промената во расположението на ЕЦБ.

Банката, потврди дека купувањето на средства кои беа намалени за една четвртина до 60 милијарди евра месечно од април, можат да бидат зголемени или продолжени ако изгледите пред еврозоната станат помалку поволни.

ЕЦБ ја задржа својата основна каматна стапка на депозитите, која е нејзината главна алатка за каматните стапки, без промена на ниво од -0,4%.

Основната стапка на рефинансирање, која ги одредува трошоците за кредити во економијата, исто беше зачувана на нивото од 0,00%.

Пазарите сега ја очекуваат пресконференцијата на Марио Драги во 15:30 часот на која Гувернерот на ЕЦБ би требало да претстави повеќе информации за одлуката дека нема промени во политиката.