ЕЦБ со одлука за инвеститорите:Ги промени ли каматата и програмата за квантитативно олеснување?
Објавено во: Економија 20 Октомври, 2016
Европската централна банка (ЕЦБ) ги остави без промена основните каматни стапки и програмата за квантитативно олеснување, со што одговори на очекувањата на инвеститорите, пренесе CNBC.
Уште пред денешната порака основниот дел од аналитичарите гледаа поголема веројатност за промена на политиката на последната средба на централната банка за годината на 8 декември.
Распродажбата на обврзници на големите пазари, особено во Велика Британија, САД и Германија, кои забележаа посилен интензитет во последниве недели, го намалија притисокот врз ЕЦБ и нејзиниот претседател Марио Драги да воведе дополнителни мерки веднаш.
Имајќи го предвид медиумското внимание во последно време сепак на прашањето дали програмата за квантитативно олеснување на банката ќе биде продолжено по нејзиниот краен рок во март 2017 година, Драги најверојатно ќе биде пречекан со многу прашања на претстојната конференција, која треба да започне во 15:30 часот .