Еден совет, кој ќе ви помогне побрзо да се разделите со долговите
Објавено во: Финансии 18 Март, 2017
Задолжени сте премногу? Можеби мислите дека прво треба да го отплатите својот најголем долг. Всушност грешите.
Ако ги отплатите најмалите долгови, веројатно ќе ја добиете потребната мотивација за да се ослободи дури и од најтешките обврски, покажа истражувањето објавено во Journal of Marketing Research.
„Кога ги ликвидираме малите долгови, постигнуваме т.н.. „мали победи“. Тие можат навистина да ги мотивираат луѓето и на крајот да им помогнат да ги исплатат сите обврски“, коментираат авторите на студијата Александар Л. Браун и Џоана Н. Лахеи од Универзитетот Тексас A & M.
Учесниците во експериментот исполниле една покомплексна задача кога таа била разбиена на мали делови со нагорно времетраење (а не надолна или еднаква).
Дополнителните истражувања покажуваат дека луѓето ја забрзувале работата, кога стигнувале до крајот во табелите на Excel, а не во самиот почеток. Мотивацијата станувала се поголема, колку повеќе се доближувале до финалето.
Генерално луѓето ги извршувале задачите побрзо кога започнувале од помалиот елемент и се движеле постепено кон поголемиот. Ова докажува дека малите победи навистина се ефикасни.
„Во некои случаи може и да е корисно најнапред да си ги платите помалите долгови, игнорирајќи ја каматата - пишуваат Браун и Лахеи. - Постојат меѓутоа познати граници. Зголемувањето на мотивацијата нема да ја компензира дополнителната камата, акумулирана поради подоцнежно плаќање.“