Едноставниот утрински ритуал на Ештон Качер за поголема продуктивност
Објавено во: Финансии 02 Ноември, 2017
Што беше првото нешто што го направивте кога се разбудивте ова утро? Дали случајно го грабнавте телефонот и почнавте да пребарувате по социјални мрежи или да ги проверувате вашите пораки? Ако е така, не сте сами. Според една неодамнешна студија, 80% од луѓето под 40-годишна возраст во САД се фаќаат за телефоните веднаш по станување.
Сепак, ова не дава добра основа за претстојниот ден. Ова го тврди и актерот и претприемач Ештон Качер, кој тоа го правел многу години, вели тој.
„Наутро веднаш почнував да одговарам на пораки. На секој мој одговор добивав по уште три мејлови. Чиниш исполнував листа со нечии туѓи задачи. Жртвував голем дел од своето време за приоритетите на некој друг“, изјавил тој во интервју, цитирано од Inc.com.
За да го промени овој тренд, Качер донесе нов пристап.
„Јас создадов ритуал - јас не користам никакви уреди во првиот час откако ќе станам наутро, но седнувам и рачно пишувам што сакам да направам денес, а потоа се занимавам со прашањата на другите“, вели Качер.