ЕФСЕ го зајакнува партнерството со Халкбанк со заеми во вкупен износ од 15 милиони евра
Објавено во: Мои пари 22 Декември, 2016
Европскиот фонд за Југоисточна Европа (ЕФСЕ) ѝ додели заем на Халкбанк АД Скопје во висина од 15 милиони евра за поддршка на приватниот сектор за домување и за поддршка на микро и малите претпријатија (ММП).
Приоритетните заеми – 10 милиони евра за проекти за домување и 5 милиони евра за претпријатијата – ја зголемуваат способноста на Халкбанкза финансирање на проектите за домување и реновирање на домовите за физички лицаи обезбедување долгорочни заеми за ММП. Халкбанк и ЕФСЕ се партнери од 2006 година и Фондот континуирано нуди финансиски средства за кредитирање на домаќинствата и микро и малите претпријатија во Македонија, поддржувајќи ја стратешката ориентација на Халкбанк кон овие сегменти на пазарот.
Претседателот на Управниот одбор на ЕФСЕ, г-дин Кристоф Тискенс рече: „Овие заеми се последните во долгата линија на инвестиции, што го нагласуваат силното партнерство на ЕФСЕ со Халкбанк. Ние соработуваме една деценија и посветеноста на двата партнери, на приватните домаќинства и малите претпријатија продолжува со исто темпо.“
„Овие заеми се во согласност со мисијата на Халкбанк за обезбедување банкарски услуги со кои ќе се поддржи долгорочниот и одржлив развој на приватниот сектор со проекти за реновирање на домовите, прилагодени на пазарот на население во Република Македонија.Соработката со ЕФСЕ има значајно и големо влијание особено во развојот на нашите клиенти во доменот на микро и мали претпријатија и поддршката на секторот за работа со население во Република Македонија. Со овие заеми банката продолжува со својата мисија за промовирање на економскиот развој и благосостојбата на граѓаните во регионот“ – рече г-дин Турхан Адеми, в.д. Главен извршен директор на Халкбанк АД Скопје.