Добивај вести на Viber
Значително е подобрена бизнис климата во Европската унија, информира денеска Европската комисија, чие истражување покажува зголемен оптимизам во речиси сите сектори.
Индексот на економска клима (ESI) во еврозоната скокна за 1,6 поени, на 96,6 поени, додека во ЕУ е зголемен за 2,4 поени и изнесува 100,6 поени. Тоа воедно е негова највисока вредност од јули 2011-та година, напоменуваат во Брисел.
Во зоната на примена на единствената европска валута, подобрената бизнис клима е резултат на осетно зајакнатиот оптимизам во градежниот сектор и малопродажбата. Најголемо подобрување е забележано во Шпанија и Италија, каде индексите скокнаа за 2,5 поени, како и во Франција со раст на индексот за 1,6 поени.
Во Германија климата останала воглавно непроменета, со благо покачување на индексот од 0,3 поени.