Добивај вести на Viber
Сите држави членики на ЕУ да направат ДНК тестирање на производите на база на говедско месо, поради скандалот со коњското месо во замрзнатите готови јадења, побарала Европската комисија.
-Комисијата препорачува сите држави од ЕУ да направат ДНК контрола на производите што содржат говедско месо“, изјавил претставникот за здравје и потрошувачка Тонио Борг, по седницата на европските министри во Брисел.
Првата серија тестирање е побарано да се одржи во март, а првите резултати да бидат објавени најдоцна до средината на април.
Борг побарал од Европската комисија што побрзо да размисли за декларациите на производите на база на говедско месо на кои би било наведено потеклото на месото.
Европската полициска служба Европол треба да ја координира криминалната истрага што се спроведува во некои земји на ЕУ, за да се утврди од каде потекнува измамата што довела до употребување на коњско месо наместо говедско.
Оваа афера со месото избувна минатата недела кога во Велика Британија беше откриено дека лазањите од марката “Финдус“ содржат коњско месо иако на декларацијата пишувало говедско.