Ел Чапо вредел 14 милијарди долари пред да падне во рацете на САД

Добивај вести на Viber

Најозлогласениот нарко бос Хоакин Ел Чапо Гузман конечно „падна“ во рацете на американското јавно обвинителство и по извршената екстрадиција од Мексико тој се појави на прво сослушување пред судија во Бруклин поради што речиси половина Њујорк беше блокиран под силно обезбедување на специјалните полициски сили. 

Ел Чапо одговараше кратко со ДА и НЕ, а потоа судијата му одреди дека треба да се појави на прво судско рочиште каде ќе биде разгледано обвининението за трговија со дрога, убиства, киднапирања, изнуда и многу други тешки кривични дела кои би требало да го сместат доживотно во затвор. 

Смртна казна нема да биде барана од страна на јавното обвинителство, што беше и еден од условите на мексиканската влада. Имотот на Ел Чапо се проценува на неверојатни 14 милијарди долари и ќе се води долг процес на негова конфискација. 

Со екстрадицијата на лидерот на моќниот картел Синалоа од северно Мексико треба да се испрати силна порака до нарко бандите дека правдата е достижна и сите ќе ги стигне со што се очекува војната против нив да се засили.