Ер Србија има големи трошоци и зависи од државните субвенции
Објавено во: Балкан 09 Мај, 2017
Во самиот Etihad не цветаат рози и нивниот план за купување на превозник во проблеми и да го застанат на нозе се покажа неуспешен.
Во март српскиот национален превозник Ер Србија ја укина линијата за Истанбул.
Неодамна беше соопштено дека заради намалување на трошоците во октомври се крати и линијата кон Абу Даби, и тоа беше прва линија која беше воспоставена со стратешко партнерство меѓу ЈАТ и Etihad во 2013 година.
Тоа значи дека авионот A319 наместо до Абу Даби ќе лета на пократки релации, а со тоа ќе бидат оптимални и трошоците, стои во соопштението на Ер Србија.
Тоа значи дека превозникот во кој државата има 51% од акциите, а Etihad 49%, ќе вметне во A319 авионите и А320 потесни седиштата и ќе придонесе за зголемување на капацитетот и користење на авионите. Според економистот Драгован Миличевиќ, очигледно е дека Ер Србија има преземено мерки во одбрана на бизнис стратегијата да се намалат трошоците, наместо зголемување на приходите, пишува Данас.
Примери се Јат и Корација ерлајнс
„Компанијата не може да ја одржи политичката приказна за зголемување на линии до Америка, Кина. Ер Србија има големи трошоци, а само варијабилните трошоци во 2015 година изнесувале 78%. Од друга страна само фиксните трошоци на компанијата се 7.5 милијарди динари.
Во 2015 година на компанијата и беа потребни приходи од 100 милијарди динари за да биде на нула, ако не се сметаат државните субвенции. Овие субвенции ќе завршат во 2018 година, а консултантот Махмуд Бушатлија смета дека баш заради тоа се укинуваат линии и се прави реорганизација.
„Нема веќе субвенции и мора да се води сметка за трошоците. Инаку, Etihad ја задржа таа линија, а Ер Србија останува да ги донесува патниците од регионот до Белград од каде тие ќе ги преземаат“ - вели тој.
Миличевиќ вели дека Ер Србија може да работи успешно без субвенции како што тоа го прават ЈАТ и Кроација ерлајнс.
Останува прашањето како да се справат со конкуренцијата, особено со нискобуџетните компании.
Во прашање е и линијата до Њујорк за што треба да се види колку е повратниот билет и колкава е пополнетоста.
Миличевиќ смета дека нема доволно патници за овие летови.
Линијата за Њујорк нема да биде профитабилна и тоа три години, соопшти и српскиот премиер, Александар Вучиќ.
Ер Србија како субвенции во 2015 година доби 49 милиони евра, а во 2014 година тоа беа 70 милиони евра.