Ердоган: Германија ќе си плати, ако и воведе ембарго на Турција
Објавено во: Балкан 25 Јули, 2017
Турскиот претседател Реџеп Таип Ердоган жестоко го критикуваше предупредувањето на Германија дека може да наметне економски санкции против Турција. На позадината на заладените односи меѓу Анкара и Берлин државниот шеф изјави дека Германија ќе ја плати цената во случај да воведе ембарго на Турција, пренесува турското издание Hurriyet.
„Треба да предвидите повисока цена (која ќе мора да ја платите), ако мислите дека можете да ја уплашите Турција со вашите закани за ембарго“, рече Ердоган во говорот пред пратениците од владејачката Партија на правдата и развојот. Неговиот коментар дојде по изјавите од страна на германскиот министер за надворешни работи Зигмар Габриел дека Берлин може да наметне економски санкции и да ги предупреди туристите дека ја посетуваат Турција на сопствена одговорност.
Цитиран од европската редакција на Politico, германскиот министер за финансии Волганг Шојбле пак го обвини Ердоган дека ја изложува на ризик децениската соработка меѓу двете земји. Шојбле беше категоричен дека Берлин нема да биде "уценуван" од Анкара.
Иако во понеделникот Турција го повлече обвинението за тероризам, внесено преку „Интерпол“, против 700 германски компании, односите меѓу двете земји очигледно остануваат во криза. На 20 јули, германскиот министер за надворешни работи Зигмар Габриел објави значително „преориентирање“ на неговата политика кон Турција. Берлин шири нови предупредувања за ризици за германските туристи при патувања во Турција, а Габриел изјави дека неговата влада веќе не може да ги гарантира германските корпоративни инвестиции во Турција, откако владата на претседателот Реџеп Таип Ердоган обвини неколку компании, вклучувајќи ги и Daimler и BASF дека имаат врски со движењето на неговиот политички непријател Фетуллах Гулен.
Германскиот министер за надворешни работи рече дека не може да замисли преговори за проширување на царинската унија до Турција, како и дека ќе зборува со останатите европски лидери за ревидирање на претпристапните фондови, кои и се нудат на Анкара.
Можеби ќе ве интересира
Вучиќ им се извини на Словенците по изјавата дека се „одвратни“, но не и на нивните политичари
МАЈКАТА НА ДАЛИБОР ДРАГИЈЕВИЌ: Не се сомневам дека ќе се дознае кој го убил мојот син
ЕВЕ КАКО ИЗГЛЕДАШЕ ГРЦИЈА - портокалов сахарски песок над Атина (ФОТО)
ПРИСТИГНАЛ ОБДУКЦИСКИОТ НАОД НА БРАТОТ НА УБИЕЦОТ НА МАЛАТА ДАНКА: Во врска со убиството испитани се 14 сведоци, еве што велат од обвинителството
УКРАИНСКИ ГРАДЕЖНИК Е УБИЕН ВО ХРВАТСКА: Полицијата приведе едно лице
ЗА УБИСТВОТО НА ДАНКА ИЛИЌ: Се јавија нови сведоци
УАПСЕНИ ВОДАЧИ НА ФЕДЕРАЛНАТА ПОЛИЦИЈА: Голема акција на СИПА во Сараево, Зеница и Мостар поради врски со картелот „Тито“
СНЕГ ЈА ПОКРИ ХРВАТСКА КАКО ДА Е БОЖИЌ: Невреме во Горски Котор, поплава во Пула, гром запали покрив од куќа во Ровињ... (ФОТО/ВИДЕО)
СРБИТЕ ЌЕ ЛЕТААТ СО ТАКСИ И ТОА Е ПРИЛИЧНО ДОСТА СЕРИОЗНО: Веќе потпишан меморандум со „Ербас“
