Ердоган: Холандија ќе ја плати цената за прогонот на министерката
Објавено во: Балкан 12 Март, 2017
„Холандија ќе ја плати цената за прогонот на турски министри од земјата“, изјави претседателот на Турција Реџеп Ердоган“, цитиран од АФП. Ердоган го коментира протерувањето на министерот за семејството и социјална политика Фатма Бетул Сајан Каја од Холандија.
„Еј, Холандија! Ако ги жртвувате турско-холандските односи во името на изборите, ќе ја платите цената“, изјавил гневно Ердоган во рамките на церемонија во Истанбул.
Претходно министерот за надворешни работи на Турција вети десетократна одмазда на холандската влада.
„Какви и чекори да ги преземат, ние ќе преземеме десеткратно повеќе акција. Не се плашиме, но тоа што тие го прават е навистина нечовечки“, изјавил Чавушоглу во интервју за телевизија TРT.
Министерот за надворешни работи на Турција истакнал дека Владата на Холандија дејствува антиимигрантски и антимуслмански во поголема мера дури и од лидерот на крајнодесничарската „Партија на слободата“ Герт Вилдерс.
За мотивите за тоа Чарушоглу истакнал: „Бидејќи тие не сакаат стабилна, силна и слободна Турција“, во исто време, Ердоган изјавил дека „Турција, САД и Русија можат да ги здружат силите во борбата против "„Исламска држава“ во Сирија.
„Сметаме дека во операциите против ИД во Сирија, вклучувајќи и во градот Рака, можеме да работиме заедно“, рекол тој пред новинарите на враќање од посетата на Москва, каде на 10 март учествува со рускиот колега Владимир Путин учествуваше на состанок на Советот за соработка на високо ниво.
Според Ердоган, основа за таквата соработка може да биде формирана во контекст на работата на генерал штабовите на трите држави. Турскиот претседател исто така, истакнал дека со поддршка на коалицијата, како и вклучувањето на Русија во операцијата во Манбидж, овој регион може лесно да се исчисти од единиците на партијата „Демократски сојуз“ и „Силите за заштита на народот“, составени од сириски Курди.
Анкара смета двете формации за терористички и дел од забранетата во Турција Курдистанска работничка партија (ПКК).