Ердоган: И турската економија е под „терористички напад“
Објавено во: Економија, Балкан 12 Јануари, 2017
Турскиот претседател, Реџеп Таип Ердоган изјави дека економијата на земјата се наоѓа под „терористички напад“ сличен на бранот напади, која ја зафатија Турција во последните месеци, пренесоа американските медиуми.
Тој ги повика граѓаните да продолжат да ги продаваат доларите и еврото, кои ги имаат за да се спротивстават на заканата.
Земјата во изминатата година се соочи со над триесет големи терористички напади извршени главно од курдските милитанти и „Исламска држава“.
Несигурноста, комбинирана со политичката нестабилност, чија врв беше обидот за државен удар во јули, го покажа своето влијание врз економијата.
„Нема разлика, што се однесува до целите, меѓу терорист со пиштол или бомба во рака и терорист, кој има долари, евра и каматни стапки"- вели Ердоган.
Турската лира стигна до рекордно ниско ниво во однос на доларот оваа недела.