Ердоган повторно не го доби посакуваниот подарок од Путин

Добивај вести на Viber

Курдското прашање изгледа останалo настрана за време на средбата меѓу турскиот претседател Реџеп Таип Ердоган и неговиот руски колега Владимир Путин.

 За време на заедничката прес-конференција во Сочи, Ердоган не го кажа ниту еднаш зборот "Курди" и не направи никаква забелешка за искуството да биде создадена независна курдска држава - од ирачки Курдистан, како и во врска со ситуацијата со Курдите во Сирија, наведува "Московский комсомолец". 

Според руското издание, цитирано од новинските агенции, пред патувањето до Сочи Ердоган зборувал и се надевал дека ќе добие поддршка од Путин за воена операција од страна на Турција во курдската област Африн. Непосредно пред да се качи во авионот, Ердоган дури го открил пред турските новинари најскриениот сон - повлекувањето на руските и американските војници од територијата на Сирија. Потоа, според него, нема да има проблеми со организацијата на политичкиот процес. Се чини, сепак, дека такво нешто е исклучено засега.

Рускиот весник експлицитно пишува дека само оваа година Ердоган разговарал со Путин 16 пати, од кои четири се лични состаноци. Ова укажува на интензивни обиди на Анкара да добие одобрение од Русија за одредени прашања. Во оваа фаза, Ердоган буквално исфрла омраза кон Курдите и е подготвен да го направи она што е потребно за да му дозволат да одлучи за "курдското прашање" во Сирија, според сопствените сфаќања. 

Дури се појави и верзија дека турскиот претседател го купил С-400 за да го доведе Путин до друг договор многу поважен за него. Според мислењето на Анкара, Москва треба да се откаже од идејата да повика претставници на курдската "Демократската унија" во Астана и да ја санкционира операцијата против сириските Курди во контролиран од нив регион на Африн, смета "Московский комсомолец". 

Наместо планираните три часа, во Сочи, Путин и Ердоган зборуваа речиси пет часа. А откако излегоа пред новинарите, претседателите темелно отстапуваа од главната тема и се обидуваа да се фокусираат врз различни аспекти од билатералната соработка - пример за трговскиот промет меѓу двете држави, како и иден безвизен режим меѓу Турција и Русија плус, се разбира, енергетиката - "Турски тек" и нуклеарна централа "Аккуи". Меѓутоа, за Турскиот тек, Ердоган не беше многу гласен. "Ние разбираме дека рускиот дел веќе е завршен." Што се однесува до турскиот дел, можам да кажам дека внимателно го следиме овој проект ", рече Ердоган.