ЕРДОГАН ПРЕСЕЧЕ: Турција ќе им даде државјанство на образованите сириски бегалци

Добивај вести на Viber

Турскиот претседател Реџеп Таип Ердоган смета дека повеќе не може да се одолговлекува постапката за давање на државјанство на сириските бегалци, сместени во камповите, но тоа ќе влијае на квалификувани и образовани луѓе.

Ова го изјави тој пред турски новинари во Пекинг, пред да замине за Вашингтон, каде што кризата во Сирија ќе биде една од клучните теми на разговорите со Доналд Трамп. 

„Војната во Сирија се одолговлече премногу долго, над 3 милиони луѓе побараа засолниште во Турција и државата ја презема нивната издршка за здравството, образованието и сè што е потребно. Истото се случи еднаш за Палестинците во Јордан, Либан е во слична ситуација. Потрошивме 25 милијарди долари, но до кога можеме да се справиме со тоа? Нема смисла од одолговлекување, државјанството за бегалците веќе е на дневен ред.

“Меѓу нив има квалификувани луѓе, лекари, архитекти, нелегално да работат? Опозицијата се противи на оваа намера, бидејќи Турците биле гладни. Ние треба да им дадеме шанса на образованите Сиријци да работат легално, но за тоа е потребно прво да добијат државјанство“, коментира Ердоган. 

Тој истакнал дека посветеноста кон бегалците е хуман, исламски долг и прашање на совест за турската држава. Во САД шефот на Турција планира да постигне договор со Трамп за екстрадиција на исламскиот проповедник во Пенсилванија Фетхуллах Гулен, обвинет за минатогодишниот обид за државен удар, како и Америка да прекине со испораки на оружје за сириските и курдски милиции. 

На денешната средба на двајцата претседатели во Белата куќа се очекува и договор за учеството на Турција во разузнавачки операции. 

Ердоган ќе остане само една ноќ во Вашингтон. Планирана е средба со извршните директори на американската стопанска комора, но поради безбедносни причини евентуалните разговори со еврејската заедница се чуваат во тајност.

Неизвесно е и дали Ердоган и Трамп ќе дадат заедничка прес-конференција.