Ердоган со предупредување до САД: „Нема да дозволиме автономија во Сирија“

Добивај вести на Viber

Претседателот на Турција Реџеп Ердоган упати предупредување до САД дека вооружените сили на Турција нема да дозволат создавање на нова држава на територијата на Северна Сирија. 

„Ние ја предупредивме Америка и други земји да не прават такви планови, ако дозволат можноста за нова држава, ќе стане доста различно и тие ќе биде запаметени со терор, изјави Ердоган за време на посетата во Санлиурфа во југоисточниот дел на земјата. Тој истакна дека тешка судбина ги очекува и оние кои сакаат да се отцепи парче од Турција, и посочи неколку планински региони како Кандил, Тендюрек, Бестлер Дере, населени со Курди, каде воените операции продолжуваат. 

„Ќе им биде тесно таму, ќе направиме од овие места нивен гроб“, се закани шефот на државата и потсети дека напорите на сириската партија Демократска унија се концентрирани како во турскиот југ, така и во северниот дел на Сирија.

„Турција ги наруши плановите на голем број сили во Сирија, што беше причина за активни обвинувања на адреса на Анкара, но ние водиме најефикасна борба против терористите од ДАЕШ (Исламска држава). 

„Поради загубите кои ги толерира ДАЕШ под притисок на Турција, токму Анкара е обвинувана во поддршка на тероризмот. Причината за овие напади е едноставна. Ние ќе ставиме крст на игрите во Сирија. Но зад кампањата за оцрнување на Турција стојат кругови, кои се заинтересирани за дестабилизација на ситуацијата во регионот“, истакна Ердоган и изрази надеж дека проблемите на народите на Сирија и Ирак наскоро ќе бидат заборавени. Тој ја прекори светската јавност за загинувањето на над милион Сиријци.

„Светот ги затвора очите за загинувањето на над еден милион Сиријци. Но заедно со нивните тела, кои останале под урнатините на уништените згради, ние ја погребавме почитта кон човештвото. Повеќе од сè губи исламскиот свет кој рамнодушно го прифаќа процесот на уништување на целиот народ. Муслиманите не треба да се придржуваат кон искривената позиција на Западот, која става капка нафта над човечкиот живот“, рече турскиот државник. Тој истакна дека голем број на надворешни сили се стремат да ја турнат Турција во внатрешен конфликт и ги посочи крвавите терористички акти на ИСИС и курдската ПКК во Турција, искуството за државен удар на терористичкото движење на Фетхуллах Гулен, провокациите со цел да се создаде тензија меѓу локалното население и бегалците како дел од големата цел за авторите на валканото сценарио, кои сепак ќе се соочат со судот.

„Ако од територијата на Сирија се појави и најмала закана за националната безбедност на Турција, Анкара ќе премине кон можна одлучна акција. Во Сирија денеска се во тек негативни процеси. Светската јавност е должна јасно да сфатидека ако се оформи закана во однос на Турција, ние нема да се осврнеме и ќе ги преземеме активни чекори точно така, како што постапив при реализацијата на операцијата „Штитот на Еуфрат“, предупреди уште Ердоган. Во овој контекст тој изрази жалење во однос на стратешкиот партнер САД, кои претпочитаат да соработуваат со единиците на терористите од партија Демократска унија и нејзините вооружени крилја од Сојузот за народна одбрана во Сирија. За жал, Вашингтон инсистира за соработка со терористите, а не со Турција, во рамките на операцијата за ослободување на градот Рака, но ќе видиме што ќе постигнат, посочи уште Ердоган.