Ердоган: Трамп го претвора Ерусалим во огнен прстен
Објавено во: Свет 07 Декември, 2017
Турскиот претседател Реџеп Ердоган ја осуди одлуката на неговиот американски колега, Доналд Трамп, да го признае Ерусалим како главен град на Израел, велејќи дека тоа ќе го претвори регионот во „прстен на оган“.
„Еј, Трамп, што сакаш да направиш? Каков пристап е ова? Политичките водачи се обидуваат да создадат мир наместо хаос“, изјавил Ердоган во Анкара, пренесе 7 АФП.
Вчера (7-ми декември) американскиот претседател Доналд Трамп официјално го призна Ерусалим како главен град на Израел.
Белата куќа исто така најави нов пристап кон израелско-палестинскиот конфликт. Трамп објасни дека САД бараат мировна спогодба на Блискиот Исток која ќе ги задоволи двете страни и дека заменик-претседателот Мајкл Пенс наскоро ќе го посети Блискиот Исток.
Во јуни сенатот на САД донесе резолуција со која ја повика администрацијата на Вашингтон да го спроведе законот усвоен во 1995 година за преселба на Американската амбасада во Ерусалим до 31 мај 1999 година.
Претходниците на Доналд Трамп до претседателството го одложија спроведувањето на законот со намерен редослед на секои шест месеци, наведувајќи дека статусот на градот треба да биде поставен за разговори меѓу Израелците и Палестинците.
Статусот на Ерусалим е еден од главните извори на несогласување во израелско-палестинскиот конфликт. Палестинците сакаат да го прогласат источниот дел од градот како центар, а Израел го смета Ерусалим за „единствен и неделив“ главен град.