Ердоган: Tурција има принципиелен став без дилеми за спорот со името
Објавено во: Македонија, Балкан 20 Февруари, 2018
Tурскиот претседател, Реџеп Таип Ердоган, по средбата со неговиот македонски колега Ѓорѓе Иванов изјави дека Турција не се однесува двострано, не мрда лево или десно и има принципиелен став без дилеми за спорот со името.
Тој потсети дека не само што ја поддржува Македонија со уставното име туку е и првата држава која испрати амбасадор во земјата.
Претседателите констатирале дека треба да се интензивира соработката во борбата против тероризмот со цел заштита на суверенитетот и интегритетот на земјите во глобални рамки.
Иванов очекува турските инвестиции во Македонија да бидат проширени и во другите сектори.