Ериксон не управува со опремата за прислушкување во УБК, туку само асистирал на СЈО
Објавено во: Македонија 23 Октомври, 2016
Шведскиот телекомуникацски гигант излезе со официјално соопштение за состојбата со системот за следење на комуникации во Управата за безбедност и контраразузнавање како и на истрагата која ја води СЈО.
Ериксон посочи дека не е сопственик на опремата, ниту оперира со опремата за Законско Пресретнување на комуникациите, се вели во официјалното соопштение на компанијата.
„Законското пресретнување на комуникации е задолжителна и стандардна функционалност во мрежите на јавната телефонија и телеком операторите и земјите во светот се обврзани да овозможат таква функционалност за локалните власти. Ериксон, како производител на телефонски системи и опрема, исто така, е производител на Системи за Законско Пресретнување“, соопшти Ериксон.
Ериксон потврди дека на 19-ти октомври 2016 година добил барање од Специјјалното Јавно Обвинителство (СЈО), по судска наредба од Основниот суд Скопје 1 во Скопје, за техничка асистенција заради истрага и во врска со функционалноста на Законското Пресретнување на комуникации, при тоа додавајќи дека понатамошни информации треба да се бараат од СЈО.