Ерпортс де Париз Требмле го купи уделот од 8,12% на „Акфен холдинг“ во „ТАВ аеродроми“
Објавено во: Економија 19 Август, 2017
Француската групација АДП (Ерпортс де Париз Требмле) го купи уделот од 8,12% на „Акфен холдинг“ во „ТАВ аеродроми“, со што го зголеми учеството во сопственоста на компанијата на 46,12%, потврдија од ТАВ за „Нова Македонија“.
Со оваа трансакција француската групација ја потврди посветеноста како водечки акционер во компанијата што во земјава управува со скопскиот и со охридскиот аеродром.
„Тепе“ и „Сера“, другите два клучни субјекта што се сопственици на акции во „ТАВ аеродроми“, изразија поддршка на оваа трансакција и на придобивките од неа за компанијата. По оваа трансакција, д-р М. Сани Шенер продолжува да ја извршува својата позиција на главен извршен директор на „ТАВ аеродроми“ - велат од „ТАВ“.
Француската групација е акционер во ТАВ од 2012 година, а за да го зголеми уделот во сопственоста на компанијата плати 160 милиони долари.