ЕУ и Русија во трка за Македонија и Балканот

Добивај вести на Viber

Европската Унија и Русија се во буквална трка за зголемување на влијанието на Балканот, а Србија е главно поле. Русија работи на остварувањето на влијанието во југоисточна Европа, користејќи ја Србија како главно упориште за воспоставување пријателска „енклава“ на непријателскиот континент.

Во анализата за престојната посета на Балканот од првиот човек на ЕК Жан Клод Јункер, агенцијата АП наведува дека ЕУ иако задоцнето, конечно го возвраќа ударот. Турнејата на Јункер денес почнува во Македонија, а нејзина цел е промовирање на новата европска стратегија за ширење кон исток. Турнејата, која завршува со самитот на ЕУ во Бугарија на 1 март, сепак е задоцнет обид на Унијата да се спротивстави на досегот на Русија.

- Русија генрално сака да ги обесхрабри земјите од Западен Балкан во нивните напори за членство во НАТО, но Москва се обидува да ги одврати и од приклучувањето кон ЕУ. Србија е главно поле за антизападните активности на Москва во Европа, бидејќи овие две словенски и претежно христијански земји имаат длабоки културни и историски врски. На Западот има се` поголем страв дека Русија ја користи Србија за разгорување на тензиите на Балканот, вооружувајќи и своите сојузници со тенкови и авиони, додека работи на дестабилизација на соседните Босна, Црна Гора и Македонија - оценува АП.