ЕУ ниту ја осудува албанската платформа, ниту ја коментира „контра-платформата“ на Груевски

Добивај вести на Viber

Претставници на Европската Унија засега не сакаат да даваат коментари за најавената „платформа за зачувување на Македонија“ на Никола Груевски, туку ќе бараат да се почитуваат досегашните препораки, како и договорените обврски преземени со Пржинскиот процес.

– Нема да шпекулираме или да коментираме партиски програми. Очекуваме наскоро да се формира нова влада, посветена на имплементирање на заостанатите реформи. Ќе продолжиме да инсистираме на имплементирање на сите делови од Договорот од Пржино. Тоа е клучно за да се врати земјата на патот кон ЕУ, нешто што нејзните граѓани го сакаат и го заслужуваат – велат за „Мета“ извори во ЕУ.

ВМРО-ДПМНЕ и натаму бара јавна осуда на како што ја нарекуваат платформата од Тирана, меѓутоа таков став од официјален Брисел засега нема, освен пораки што побрзо да се формира нова влада посветена на реформи со почитување на уставните процедури и новото парламентарно мнозинство. 

Груевски даде заканувачки пораки во интервјуто за Канал 5 дека ако Заев формира влада и народот не си ја одбрани државата тогаш Македонија може и да ја снема. Затоа ќе понуди документ изработен од ВМРО-ДПМНЕ со наводни решенија на долгата криза што веќе се нарекува „контра-платформа“.