Добивај вести на Viber
Европската унија планира до 2019 година да воспостави унија на пазарот со капитал, што треба да ги олесни директните инвестиции.
Документот на Европската комисија, на кој се повикува Ројтерс, предвидува усогласување на правилата на пазарите со капитал во земјите членки на ЕУ со цел да се зголеми тргувањето со акции, обврзници и останатите хартии од вредност.
Во повеќето земји на ЕУ, компаниите првенствено избираат да се финансираат преку класични банкарски кредити наместо со емитување на нови акции, што ги прави поранливи во случај на криза.
Оваа ситуација би можела да се промени со новите мерки, кои треба да го зајакнат пазарот со капитал.
Официјалното објавување на докумнетот е најавено за 18 февруари годинава.
Скептиците сметаат дека е невозможно да се усогласат правила на пазарите со капитал во 28-те членки на ЕУ.
На пример, Велика Британија, чија берза во Лондон е најголемата во Европа, се изјасни дека нема намера контролата врз берзата да му ја препушти на Брисел.