ЕУ санкционира високи Сиријци поради нападите со хемиско оружје
Објавено во: Свет 17 Јули, 2017
Европската унија воведе санкции против 16 високи сириски воени лица и научници поради употребата на хемиско оружје против цивили, се вели во официјалното соопштение.
Со одлуката на министрите за надворешни работи на ЕУ бројот се зголемува на 255 Сиријци, на кои е изречена забрана за патување, а имотот во ЕУ им е замрзнат. Имињата на санкционирани лица ќе бидат објавени утре.
Организацијата на ОН, која го следи користењето на хемиско оружје (OPCW) минатиот месец стигна до заклучок дека на 4 април во нападот во сирискиот град Хан Шеихун, убило барем 87 лица.
Одлуката за воведување санкции ја "покажува решеноста на Велика Британија и останатите пријатели во Европа за справување со оние кои се одговорни за нападите со хемиско оружје", рече британскиот министер за надворешни работи, Борис Џонсон пред објавувањето на санкциите.
На Сирија веќе и се наметна нафтено ембарго, во сила се ограничувања за одредени инвестиции, замрзнати се сметките на сириската централна банка, кои се во ЕУ, воведени се и ограничувања во извозот. На Дамаск му се наметнати санкции врз увозот на опрема и технологија, кои може да се користат за внатрешни репресии и врз опрема и технологија за надзор или пресретнување на интернет и телефон комуникациите.