Еуростат: Данците со 25 евра на час најплатени во ЕУ, Македонецот работи за само 2,5 евра

Добивај вести на Viber

За еден работен час, просечен Данец може да заработи до 25 евра, додека за истото време Македонецот ќе работи за скромни 2,5 евра, што е за 10 пати помалку од Данецот. Според податоците на Еуростат, во земјите членки на Европската унија, најмала заработувачка на час имаат Бугарите, што е за 17 пати помалку од Данците или замо 1,5 евра на час. Според податоците, веднаш зад Данците, со најголема заработка за еден час во Унијата имаат Холанѓаните со 15,3, Французите до 12,1 и Австријците со 11,7 евра. Според истата статистика, Македонците заработуваат речиси исто колку и Летонците и Литванците, а повеќе од Турците, Бугарите и Романците. Сепак, според Еуростат, разликата во платите е огромна, но разликата во стандардот е нешто поблага поради вредноста на платата што се искажува преку количината на стоки и услуги кои може да се купат на пазарите, односно паритетот на куповна моќ.  Овие бројки не ја одразуваат реалната слика за разликите помеѓу земјите, па така за илустрација, Данците не живеат 17 пати подобро од Бугарите туку само пет, а во однос на Македонија, таа разлика е речиси три пати. Според паритетот на куповна моќ, Македонија со 6,4 евра зад себе ги остава Чешка, Словачка, Унгарија, Романија, Бугарија и Турција.