Еве што оставија зад себе земјотресите во Турција
Објавено во: Балкан 07 Февруари, 2017
Околу 300 уништени куќи во 12 села, а десетици луѓе престојуваат надвор или во шатори. Ова е билансот од двата земјотреси кои се случија вчера во реонот на Чанаккале, Западна Турција.
Првиот земјотрес беше со јачина од 5,3 степени по Рихтер, а по неколку часа следуваше втор со истиот интензитет.
Според турската сеизмолошка служба епицентарот бил на длабочина од околу 10 километри во Eгејското Море.
Според податоците на управата во Чанаккале при потресите се повредени пет лица, на кои им е укажана медицинска помош, но има и многу разурнати згради во населбите во близина.
Сепак, нема затрупани луѓе. Во околискиот центар Чанаккале е формиран кризен штаб.
Во исто време од службата за катастрофи го предупредуваат населението на никаков начин да не останува во живеалиштата кои се погодени од земјотресите. Според сеизмолозите секундарните потреси продолжуваат, сеизмичката атмосфера останува нестабилна.