Еве во каков луксуз живеат децата на Мугабе

Добивај вести на Viber

Децата на сега веќе поранешниот претседател Роберт Мугабе живеат раскошно. 

Злато, часовници „ролекс“, автомобили „ролс-ројс“, патики од Џузепе Заноти од кожа од алигатор вредни 14.000 долари, приватни авиони и егзотични патувања се нивното секојдневие. Диктаторот што владееше со Зимбабве 37 години има четири деца - Бона, Роберт Јуниор, Мишел и Чејтунг Мугабе.

На социјалните мрежи најактивни се Роберт и Чејтунг Мугабе, кои редовно објавуваат фотографии од сите приволегии што ги уживаат, а неретко на нивните објави може да се пронајдат описи како „60.000 долари на рака кога татко ти владее со целата земја!“
Освен Роберт Мугабе, во Хараре се добро познати и сестрите Ванеса и Мишел Чиронга, ќерки на политичарот и могул Филип Чијангва, чиешто богатство се проценува на дури 266 милиони евра.

Сестрите го имаат прекарот „Сестрите Кардашијан од Зимбабве“, а на социјалните мрежи често објавуваат фотографии од своето богатство. Иако буквално пливаат во пари, за себе велат дека живеат „скромно“.

Ванеса се омажила пред две години на Сејшелите, а на своите пријатели на Инстaграм им се пофалила дека потрошила „скромни“ 50.000 долари за 50 гости, бидејќи ако правела свадба во Хараре, би ѝ дошле 9.000 луѓе. Таа има скоро еден милион вреден „ренџ ровер“, но ретко го вози во Зимбабве затоа што дупките на улиците можат да ѝ го оштетат автомобилот. 

Претседателот на Зимбабве,  Роберт Мугабе вчера изјави дека поднесува оставка веднаш и доброволно, за да овозможи непречен трансфер на власта по 37 години владеење.