ЕВН ќе ги наградува редовните плаќачи на струја, но само ако се избрани!

Добивај вести на Viber

ЕВН Македонија започнa со нова наградна игра за своите редовни плаќачи насловена „Среќно поле“ во рамки на која најсреќните корисници ќе учествуваат на телевизиско шоу каде преку игра на среќа ќе имаат можност да добијат вредносен ваучер за енергетско-ефикасни апарати во вредност од 6.000 до 100.000 денари.

Право на учество имаат сите домаќинства и мали бизнис корисници кои редовно и во рок ги подмириле своите долгови за електрична енергија во моментот на извлекувањето, со исклучок на вработените во ЕВН Македонија.

„Во секоја емисија ќе учествуваат  по тројца најсреќни корисници влезени во базата на редовни плаќачи кои ќе ги бира системот по случаен избор. Еден од нив ќе биде со сигурност корисник што плаќа сметка за електрична енергија со траен налог. Вкупно ќе се бираат тројца официјални и пет резервни учесници кои ќе можат да се појават на шоуто само доколку официјалните не се во можност. По електронски пат на крајот на секоја емисија ќе се избираат учесниците за наредната“, информираше Ленче Карпузовска, раководител на Одделот за комуникации во ЕВН Македонија.

ЕВН Македонија  има околу 700.000 корисници од кои преку 200.000 се редовни плаќачи. Досега и преку 8.000 корисници склучиле договори со банките за плаќање на сметките за електрична енергија со траен налог,  посочуваат од компанијата.