Европејците кои живееле најмалку 5 години во Велика Британија, ќе имаат право на постојано државјанство
Објавено во: Свет 23 Јуни, 2017
Премиерот на Велика Британија Тереза Меј се сретна со своите колеги од земјите од Европската унија за време на самитот во Брисел. Таа упати кон нив „чесен“ (според нејзините зборови) предлог за правата на европските граѓани, кои остануваат да живеат во Велика Британија по Brexit, коментира агенцијата Reuters. Лидерите на ЕУ сепак го пречекаа нејзиниот предлог со доза на скептицизам и изјавија дека остануваат многу прашања да се решат.
„Минатата вечер бев задоволна што можев да изложам многу чесен и многу сериозен предлог за граѓаните на ЕУ кои живеат во Велика Британија, а Владата ќе изложи повеќе детални предлози во понеделник“, рече Меј во петокот, кога е вториот ден од средбата во Брисел. “Сакам да ги уверам повторно сите овие европски граѓани кои се во Велика Британија, дека никој нема да мора да ја напушти. Не сакаме да гледаме разделени семејства“, додаде таа.
Меј објасни дека европските граѓани кои живееле во Велика Британија 5 години, можат да останат засекогаш. Оние кои се таму од помалку време, пак имаат право да останат, за да стигнат до 5-годишниот праг. Можноста за добивање на постојано британско државјанство ќе отпадне по двегодишен период.
Германскиот канцелар Ангела Меркел, која претходно изјави дека сака „широки гаранции“, коментира дека давањето на полни права на европските граѓани кои живеат во Велика Британија од пет години, е „добар почеток“. Таа, сепак, додаде дека остануваат многу прашања кои треба да бидат одговорени.
„Ова е добар прв чекор кој го цениме“, коментира и австрискиот канцелар Кристијан Керн, кој сепак исто така, рече: „Многу детали остануваат неразјаснети. Многу европски граѓани се загрижени и не веруваат во ветувањето на Меј. Има долг, долг пат за измина за преговорите“.