Еврото близу до нови највисоки нивоа во последните 2,5 години
Објавено во: Економија 04 Август, 2017
Еврото во четвртокот на меѓународните пазари се задржа близу нови највисоки нивоа во 2,5 години спрема доларот, кој и понатаму пристика неизвесност на политички и план на монетарна политика, па во потрага по нови насоки вложувачите ги чекаат новите американски податоци за вработеноста.
Еврото во таква средина се тргувало по 1,1844 долари, што е близу до неговите највисоки нивоа спрема доларот во последните 2,5 години, од 1,1910 долари, кои во еден момент ги достигнало во тргувањето во средата.
Индексот на доларот , кој ја мери вредноста на американската спрема другите шест најзначајни светски валути, пораснал утрово благи 0,1 посто, на 92,940 поени. Во средата во еден момент се лизнал на 92,548 поени, најниско ниво од мај 2016 година.
Фунтата притоа благо зајакнала спрема доларот, на 1,1323 долари, во очекување на одлуката од седницата на британската централна банка Bank of England (BoE).
Пазарите очекуваат дека пораките би можеле повторно повеќе да сигнализираат тенденција кон лабавата монетарна политика, по краткотрајниот наплив на оптимизам во јуни кога е споменувана можноста за скоро заострување на монетарната политика.
Иако еврото од почетокот на годината спрема доларот зајакнал повеќе од 12,5 посто, новата анкета на Ројтерс покажала дека би можел дополнително да зајакне, со поддршка од очекувањата дека Европската централна банка ќе почне постепено да ги намалува дарежливите стимулирачки програми за економијата.