Евтините iPhone модели ќе се произведуваат во Индија
Објавено во: Економија 18 Февруари, 2017
Apple е се поблиску до одлука да започне со производство на поевтините iPhone SE модели во Индија, во фабриките во Бенгалуру на југоистокот на земјата.
Познато е дека Apple долги години своето производство го доверува на кинески партнери како Foxconn и Pegathron, кои имаат илјадници вработени, огромни произвдствени капацитети, евтин стручен и висококвалификуван кадар, како и многу ниски цени на произведена единица.
Сепак, со притисоците од кинеската влада и заострувањето на односите со САД под водство на Трамп не е сигурно дали Apple и натаму ќе ги добива истите услови, па затоа извборот на Индија е златна резерва.
Во наредните месеци може пробно да се започне со евтините iPhone SE модели кои би се пласирале на азискиот пазар, за подоцна да се размислува и за префрлање на дел и од производството на премиум моделите како iPhone 8.