Добивај вести на Viber
Финансиски договор за програмата за прекугранична соработка ИПА 2011, денеска ќе потпишат Македонија и Косово.
По повод потпишувањето на договорот вреден вкупно 600.000 евра, ќе се обратат вицепремиерот за европски прашања Теута Арифи, шефот на Делегацијата на ЕУ Аиов Орав, косовскиот министер за европска интеграција Вљора Читаку и шефот на операции при Канцеларијата на ЕУ во Косово Кристоф Сток.
Програмата за прекугранична соработка ИПА 2011 со Косово има за цел промовирање одржлив развој на прекуграничните региони со поддршка на заеднички активности и прекугранични проекти кои би имале влијание врз социјалната и економската состојба на населението, подобрување на заедничкото управување и валоризација на човечките, природните и културните ресурси, како и јакнење на имиџот и кохезијата на регионот.
За периодот 2007 - 2013, ЕУ одвои преку 25 милиони евра за финансирање проекти на петте прекугранични програми меѓу Македонија и Грција, Албанија, Косово, Бугарија и земјите членки на ЕУ кои улествуваат во Југоисточната транснационална европска програма за соработка.