Фирмата на Кочан добила уште еден тендер?
Објавено во: Македонија 19 Мај, 2017
Компанијата на бизнисменот Сеад Кочан „Трансмет“ чии сметки и имот се блокирани, повторно добила тендер од ЕЛЕМ.
Ова го покажува набавката објавена на Електронскиот систем за јавни набавки.
Оваа компанија добила тендер во вредност од девет и пол милиони денари за да бара услуга за градежна механизација, се гледа од набавката.
Кочан деновиве се врати во Македонија по два месеци бегство откако му беше доделен притвор заради тоа што е осомничен во случајот „Труст“ на СЈО и тоа поради злоупотреба на пари на доделен тендер на неговата фирма „Трансмет“. Станува збор за сума од 17 милиони евра.
Од СЈО рекоа дека злоупотребите се направени во тендерската документација за ископ и транспорт на јаглен од рудникот „Суводол“, Битола.