Фолксваген го потресе светот со скандалот, а сега и со нова вест!
Објавено во: Свет 27 Октомври, 2016
Германскиот автомобилски гигант Фолксваген соопшти дека остварил нето добивка од 2,28 милијарди евра (2,49 милијарди долари) во третиот квартал.
Овој профит доаѓа после големите загуби пред година дена поради глобален скандал поврзан за измами на тестови за емисии со штетни гасови од дизел автомобили.
Добивката на групата во три месеци, заклучно со септември, е благо пониска од прогнозите на аналитичарите кои типувале износ од 2,45 милијарди евра, но претставува огрмен залет во однос на нето загубата од 1,73 милијарди евра забележани во истиот период лани.
Произведувачот на автомобили, потона во најдлабока криза во својата историја откако во септември минатата година призна дека инсталирал софтевр за лажирање на податоци за емисијата на гасови во своите 11 милиони дизел мотори во светот.
Уште непроценета штетата на оваа афера - вклучувајќи казни на регулатори и судски трошоци, го турна VW во „црвено“ прв пат во повеќе од 20 години, кога компанијата прокнижила загуби од 1,6 милијарди евра, бидејќи поради судски спорови била присилена да издвои одредени средства на страна, кои досега се искачија на 18 милијарди долари.
Американски судија во вторникот донел конечна одлука за одобрение на нагодбата на VW по колективна тужба во врска со „дизелгејт“ скандалот во износ од 14,7 милијарди долари, што е највисока таква нагодба на еден произведувач на автомобили во историјата.
VW можеби и со неочекувана брзина ја враќа изгубената доверба, но е јасно дека тие во САД никогаш веќе нема да продадат автомобили со дизел мотори. Со секој нов извештај човек ќе се сети и рече: „Точно - измамницни“.