Фото: Џастин Трудо ја претера во Индија
Објавено во: Свет 23 Февруари, 2018
Канадскиот премиер до пред некој месец беше еден од омилените политичари на западната хемисфера како прогресивен либерал кој внесуваше надеж на политичката сцена, но се сега се почесто е предмет на потсмев со неговите несфатливи гафови и претенциозни обиди да остане популарен и во фокусот на вниманието.
Тој е во осумдневна посета на Индија каде најпрво не беше удостоен со пречек од премиерот Моди туку од член на владата со понизок ранг што беше сфатено како непочитување на канадската држава поради доаѓањето на Трудо.
Сепак, политичкиот дебакл е засенет со приватниот дебакл на Трудо кој оваа посета на Индија повеќе ја користи за годишен одмор со сопругата. Трудо речиси на секоја слика е облечен со традиционални индиски носии и изгледа како да излегол од кадрите на боливудските филмови, односно како да е пред гламурозна венчавка.
Исто така на сликите постојано ги држи рацете склопени што симболизира индиска молитва што наиде на големи критики на социјалните мрежи за непотребно доодворување на јавноста.
Трудо предизвика и големи контроверзи со тоа што реши на своето патување да ги понесе и министрите кои се Сики, односно малцинство во Индија кое е во судир со индиската власт со обвиненија за сепаратизам, а дел од членовите на неговиот кабинет имале слични екстремни ставови. Сосема разбирливо е што неговата влада има министри Сики бидејќи тие се доста голема заедница во Канада, но на овој начин си ги расипува односите со Индија која е еден од најголемите трговски партнери.