ФОТО: Еве што може да Ви се случи на скопските паркинзи!

Добивај вести на Viber

Овие фотографии се направени на паркингот на општина Центар во Капиштец. Деновиве таму се случија повеќе кражби и оштетувања на автомобилите. Скопјанецот кој ја имал таа несреќа да остане без сите 4 тркала, вели дека се обратил до претпријатието што ги стопанисува паркиралиштата на Центар, но оттаму му било речено, дека иако е платен паркинг тие не можат да го обештетат. Настанот е пријавен во полицијата, од каде велат дека се трага по сторителите. Кражбата се случи пред два дена, а во реонот на Капиштец деновиве се случија повеќе вакви кражби, што уште еднаш ја отвора дилемата за одговорноста на фирмите што ги стопанисуваат паркинзите. Граѓаните со право се жалат дека плаќаат високи цени за паркирање, а за возврат не добија ништо освен обележување на паркинзите. На паркинзите со кое стопанисува Општина Центар се наплаќа во првата зона 40 денари од час, односно 35 денари со повластена М-карта, во втората зона, 30 денари, односно 25 со повластена М-карта, а дневната паркинг карта чини 960 денари. Но, ако Ви се случи нешто вакво, паркингот ќе Ве чини, едно мало богатство. Затоа, внимавајте каде паркирате и колку долго време ги оставате вашите возила. Фото Фактор