(ФОТО) ГРУЕВСКИ УВЕРЕН ВО ПОБЕДА: Сега му е мајката Заев да биде поразен!

Добивај вести на Viber

Најава за силна победа на изборите во декември одекна во Метрополис арената каде што екс премиерот Никола Груевски официјално ги претстави кандидатските листи на неговата партија.

Пред присутното членство и сопартијци, Груевски упати порака дека овие избори ќе бидат поразлични и по една друга работа а тоа е дека тој ќе бил носител во 4 изборна единица.

После се што се случи, потребно е да му се даде можност на народот да одлучи за премиер меѓу мене и него, и на целата територија во Македонија, но и во 4-тата ИЕ. Каде лично и двајцата како индивидуи ќе ја побараме поддршката на граѓаните. Време е заедно со народот, да го соочам со реалноста и да го победам, поточно заедно со народот да го победиме и да претрпи директен пораз во изборна единица која тој ја избра и во градот каде е градоначалник, да види на свој терен, во својата околина што мисли народот за сите негови лаги кои ги искажа за мене, а не да ми пушта во изборната единица 1, луѓе кои ги мести да изгубат за да не му бидат конкуренција после изборите во трката за избор на претседател на СДСМ. Да види Заев дали му проаѓаат приказните и манипулациите кои ги конструираше за мене, и да види што за него мислат луѓето не само од цела Македонија, туку и од регионот во кој тој живее, рече Груевски.

Груевски истакна , како што сам се изрази, дека сега му е мајката Заев да биде поразен.