(ФОТО) Иванов „му кидна“ на Хан пред нос: Средба меѓу нив нема да има!
Објавено во: Македонија 21 Март, 2017
Иако до пред неколку часа средбата меѓу шефот на државата и комесарот Хан беше неизвесна, сега е извесно дека таа нема да се одржи.
Претседателот не е вратен уште од Унгарија а од неговиот кабинет за повеќе медиуми потврдуваат дека Иванов не е на агендата за средби со комесарот и европратениците.
„Ставовите на Иванов не се променети и поради тоа што претседателот не е вратен од вчерашната посета на Унгарија нема можност да оствари средба со еврокомесарот Хан“, потврдиле од кабинетот на претседателот.
Оттаму јасно потсетуваат на пораките од Иванов дека нема да даде мандат на партии кои заговараат уривање на уставот и прифаќаат платформи од туѓи држави.
Од кабинетот на Иванов дополнуваат дека предвидениот термин за средба со Хан претседателот им го отстапува на претставниците од граѓанската иницијатива „За заедничка Македонија“, кои бараа средба со комесарот.
Терминот за средба со Хан не е предвиден ниту во агендата на комесарот кој денеска ќе остварува тет-а-тет средби само со политичките лидери.