(ФОТО) ПАТ ОКОЛУ СВЕТОТ ЗА 20 ДЕНА: Нема човек кој нема да посака ваков одмор!

Добивај вести на Viber

Aгенцијата за организација на луксузни патувања „Дрим мејкер“ измислила нешто потполно ново и досега невидено во светот на туризмот.

Се работи за пат околу светот наменет само за милијардери, а зошто само за нив ќе ви откријат фотографиите и деталите.

Патот на кој се тргнува со приватен авион вклучува обиколка на 20 градови за 20 дена, а чини неверојатни 13,85 милиони долари!

Луксузниот одмор под името „Passport to 50“ почнува во Кох Самуиј , остров во заливот Тајланд, потоа се посетува Тајланд, Катаманду, Непал и Сијем Реп во Камбоџа, Агра во Индија, Фиренца и Сијена во Италија, Кан и Мулин во Франција, Лондон во Британија, Барселона, Ибица и Марбеља во Шпанија, Маракеш во Мароко, Хавана на Куба, Ноксвил во Тенеси (САД) , Кона, Хаваи и Ел Нидо на Филипините, и на крај Манила, каде одморот се завршува.

Резервациите моментално се достапни по наведената цена, а авионот може во луда авантура да поведе до 50 луѓе одеднаш. Првото вакво патување ќе биде реализирано во август, а оние кои ќе имаат среќа да се најдат на него, ќе имаат прилика да уживаат во целиот луксуз, како да се во најскапите светски хотели. 

Во понудата се наоѓаат часови по јога, спа услуги, модни ревии, хипнотерапија и терапија за подобар сон, кои ги спроведува холистичкиот гуру Април Норис.

Цело време гостите на располагање имаат новинар и фотограф, снимател, како и секретарка за социјални мрежи, кои се грижат за се, како патниците би можеле да уживаат и да не прават никаков напор дури ни да се  фотографираат.

Уште еден примамлив детал за кој се верува дека ќе ги привлече богаташите е и тоа што во авионот повремено ќе доаѓаат и гости, од боксерската легенда Роберт Дуран, до екс соработникот на кралицата Елизабета. Богатите гости ќе имаат шанса и да играат турнир во покер за добротворни цели, со покерската легенда Даниел Негрин.

Тука ќе  има и гости за интимни дружења, а патниците сами го бираат нивото на интимност со гости.

„Се трудиме да внесеме иновација и да го зголемиме искуството на нашите патници, од полетување, до слетување. Посебно внимание ќе посветиме на тоа туристите да имаат идеална комбинација на спиење и уживање, што е најдобар начин навистина да се одморите“, вели директорот на агенцијата Грегори Патрик и додава дека сертифицирани професионалци ќе се погрижат добро да спиете и да одморите со помош на светла, звуци, ароми, хипнотерапија, дури и технологии специјализирани за спиење.

„Нашата визија е да создадеме уникатен, искуствен одмор, настан чиј корен е во креативноста и ситните детали, кои на крај ќе донесат највисок стандард за клиентите кои бараат престиж и луксуз“, вели Патрик.

Клиентелата за ова патување ќе бидат милијардери кои навикнале на луксуз , а јахти, приватни авиони, раскошни журки и хотелски комплекси со 5 ѕвезди веќе им досадиле.