(ФОТО) Патувале 17 години без престан, еве кој е нивниот впечаток
Објавено во: Стил 30 Јануари, 2017
Аргентинска брачна двојка сакала да си дозволи пола година одмор, но номадскиот живот толку им се допаднал што 17 години патувале по светот.
Ерман и Канделарија Зап сакале 6 месеци да ја истражуваат родната земја, купиле олд тајмер, ја напуштиле работата и во 2000 година заминале на пат. Сега е 2017 година, но тие уште патуваат и не се сами.
Со нив се и 4 деца, три момчиња и едно девојче кои се родиле во текот на патувањето, а двојката посетила 73 земји.
„Најважната лекција е дека тргнавме да го откриеме светот, а на крај се откривме самите себе“ - вели Ерман Зап кој сега се наоѓа со семејството во Шпанија.
Тие на меѓународен саем за туризам во Мадрид ги споделиле своите искуства.
Децата се родени во различни земји и тоа САД, Аргентина, Канада и Австралија, а бидејќи моментално не можат да посетуваат настава, мајката работи со нив.
Раскажуваат дека луѓето највеќе им оставиле впечаток, иако некои им велеле дека светот е опасно место, можат да бидат ограбени и убиени.
Ерман вели дека наместо 7 светски чуда, виделе 7 милијарди чуда.
Додава дека секаде луѓето им отворале врати, престојувале во 2.000 приватни куќи, а пред да стигнат во Шпанија добиле 400 повици.
На прашањето од што живеат, вели дека пишуваат книги, држат предавања и изработуваат украсни предмети, а се случило во Еквадор да останат без пари.
На овој начин со продажба на акварели и други приходи се финансиски независни, а дома ќе се вратат на крајот на годината.
Можеби ќе ве интересира
Мемедоски е македонскиот претставник на „Светскиот избор за Мис и Мистер за глуви“ во Прага: Бог ме направил различен од другите, но ми подарил повеќе таленти
