(ФОТО) СВЕДОШТВО ЗА ЗЕМЈОТРЕСОТ ВО КОС: Истрчавме на улица, цела ноќ владееше страв
Објавено во: Балкан 21 Јули, 2017
Српски туристи раскажуваат дека ноќеска истрчале надвор, и цела ноќ останале на плажите во страв од нови земјотреси.
„Беше страшно, многу се тресеше и се разбудивме. Јас како и многу други мислевме дека е крај, а луѓето боси трчаа надвор од хотелот. Ни поделија ќебиња, крпи и вода. Дури и утрово се чувствуваат благи потреси“ - раскажуваат српските туристи.
Ноќта ја поминале на отворено, во паркови или на плажи. Од безбедносни причини не им било дозволено да се вратат назад во собите. Додаваат дека иако потресот бил силен, зградите не пукнале затоа што се градени по високи стандарди.
Но, велат Грците не дозволиле земјотресите да им го пореметат секојдневието и заминале навреме на работа, а со тоа и туристите добиле појадок навреме.
Потресот од 6.7 степени ги вознемири туристите, но и локалните жители.
Околу 450 луѓе во Грција и Турција се повредени.