(ФОТО) ВЕРУВАЛЕ ИЛИ НЕ: Овие богаташи живеат скромен живот

Добивај вести на Viber

Сте слушнале за безброј случаи на милионери кои останале без денар во џеб поради коцкање, погрешна инвестиција или развод. Но има и такви кои и покрај милионите, живеат како обични луѓе.

Познатата актерка Сара Џесика Паркер потекнува од сиромашно семејство. Изгледа минатото останало во неа, бидејќи и до денес живее скромно и ги учи децата на тоа.

Тешко е да поверувате дека ѕвездата од „Сексот и градот“ понекогаш им купува на децата облека од втора рака, што целосно се спротивставува на нејзината хероина од серијата Кери Бредшо, која и донела богатство од околу 90 милиони долари.

Тајра Банкс - сите кои ја познаваат знаат дека манекенката е штедачка и дури има сметководител кој ја советува пред да купи нешто. Тајра не фрла храна и сака да го изеде она што и останало од претходниот ден. Топ моделот со сметка од 90 милиони долари обожува да си ги зема шампончињата и сапуните од хотелите во кои престојува.

Џеј Лено, еден од најуспешните телевизиски водители на американската телевизија, не го заборавил животот пред да стане познат. Тој ги издвојува приходите од шоуто „The Tonight Show“ и живее само од хонорарите како комичар, иако поседува околу 350 милиони долари. Пари инвестира само во стари автомобили, кои се единствената негова страст.

Актуелниот директор на „Епл“ Тим Кук живее во скромен дом, не патува со приватни авиони и не ги троши за луксуз своите 400 милиони долари. Тој смета дека за тоа дали си успешен зборува работната етика, а не платата.

Една од најбогатите личности на планетата Ворен Бафет со богатство од 63 милијарди долари, живее како секој друг човек од средната класа. За својата куќа платил само 30 000 долари. Но не може да се каже дека тој е скржавец, бидејќи поголем дел од парите ги дава во добротворни цели.