ФОТО: Во Кина е пуштена во употреба најголемата зграда во светот!
Објавено во: Стил 02 Јули, 2013
Се отвори најголемата зграда во светот која е лоцирана во Ченгду, главен град на провинцијата Сичуан во југозападна Кина.
Иако зборовите „најголема на светот“ обично асоцираат на фотографија од висококатница, оваа градба воопшто не е висока. Но, дефинитивно е голема!
Долга е 500 метри, широка е 400 метри и висока е 100 метри. Мегаструктурата од 1,7 милиони квадратни метри е речиси тројно поголема од Пентагон во Вашингтон.
Глобалниот центар се отвори на 28 јуни.
Во центарот се наоѓаат деловни уреди, хотели, театри, трговски центри, воден парк и имитација на медитеранско село, пренесува CNN.
До 2020 година се планира да се прошири подземната железница, како и да се изгради нов аеродром, што укажува дека наскоро овој град ќе претставува значаен еконмски и културен центар во западниот дел на Кина.