(ФОТО) ЗА ИНАЕТ НА ТРАМП: Американец и Мексиканка се венчаа на границата
Објавено во: Свет 20 Ноември, 2017
Американец и мексиканка се венчаа на границата меѓу двете земји - симболична демонстрација, додека претседателот Доналд Трамп планира да гради ѕид, за да ги запре мигрантите од Мексико, пренесуваат светските медиуми.
Двајцата сопружници си ги кажаа брачните заклетви пред мексикански судија на "Вратата на надежта" (Door of Hope) - отвор во оградата, која ги дели двете земји при „Плаиас де Тихуана“ која беше отворена специјално за случајот за 1 час од американските гранични власти.
На церемонијата присуствувале родители и пријатели на младенците, како и трите деца од претходниот брак на Мексиканката.
Евелија Рејес, жителка на државата Гереро, јужно Мексико, раскажува за медиумите дека го сретнала идниот сопруг Брајан Хјустон во Тихуана пред три години. Но, таа не можела да се омажи во САД, бидејќи ги немала потребните документи. Брајан пак не можел да ја направи свадбата во Тихуана.