(ФОТО+ВИДЕО) ЧАД И ПЕПЕЛ ВО ВИСИНА ОД ПЕТ КИЛОМЕТРИ: Издаден е „црвен код“
Објавено во: Свет 19 Февруари, 2018
Чад и пепел во висина од пет километри исфрла вулканот Синабунг на островот Суматра во Индонезија.
Поради сегашната вулканска ерупција, издаден е „црвен код“ за тревога за авиокомпаниите. Тоа значи дека ризиците се високи.
Ова се случува во северниот дел од островот.
Засега нема информации за повредени лица.
Четири века тој бил „заспан вулкан“ пред да еруптира во 2010 година, при што загинаа две лица. Четири години подоцна во нова ерупција загинаа 16 луѓе, додека пред две години загинаа седум луѓе. Во последниве неколку години повеќе од 30.000 луѓе во областа ги напуштиле своите домови, а од јуни 2015 на островот на сила е највисоко ниво на подготвеност во случај на природна катастрофа.
Индонезија се наоѓа во т.н. Пацифички огнен прстен, област позната по својата сеизмичка активност и вулкански ерупции. На нејзината територија има околу 130 активни вулкани.
Вулканот е еден од трите вулкани кои моментално еруптираат во Индонезија.