ФОТО+ВИДЕО: Јак земјотрес од 7,4 степени го „здрма“ Нов Зеланд
Објавено во: Свет 13 Ноември, 2016
Потрес од 7,4 степени по Рихтер го потресе Нов Зеланд.
Засега податоци за жртви и за повредени нема.
Епицентарот бил на 75 километри од Крајстчерч, кој пред 5 години беше погоден од земјотрес.
По првичните информации земјотресот е со јачина од 7,4 степени по Рихтер, што е многу посилно од земјотресот од 2011 година, кога Нов Зеланд беше потресен од 6,3 степени по Рихтер. Според информации на новозеландската сеизмолошка агенција потресот бил со интензитет од 6,6 степени по Рихтер, а по него има барем 5 последователни потреси.
Земјотресот се случил непосредно по полноќ по локално време.
Луѓето на социјалните мрежи споделија слики од скршени огледала и паднат мебел.