ФОТО+ВИДЕО: Поплави во Албанија однесоа и човечки жртви
Објавено во: Балкан 08 Ноември, 2016
Едно лице загина во поплавите кои денеска ја зафатија Албанија.
Некои од албанските медиуми пишуваат дека во поплавите досега загинале три лица, но оваа информација не е официјално потврдена.
Тамошните медиуми пренесуваат дека земјата е парализирана.
На терен ангажирана е војската и специјални спасувачки екипи.
Министерството за одбрана соопшти дека округот Лежа во северот на земјата, се испратени 30 воени лица, шест возила и мали чамци за евакуирање на три семејства.
Министерството за одбрана даде наредба за прекин на наставата во училиштата и градинките, а во зависност од временските услови, Министерството дополнително ќе соопшти дали оваа наредба ќе важи и следните денови.
Автопатот Тирана-Драч, како и неколку други патни правци се блокирани. Многу села се отсечени поради оштетувања на локалните патишта.
Два траекти, поради невремето, имале потешкотии при допловувањето кај Валона, но безбедно се вкотвиле на пристаништето.
До 12 часот наврнале 100 милиметри на квадратен метар, а врнежи ќе има и утре.
{"videoid": "1108971", "sid":"3"}