(ФОТО+ВИДЕО) РАСТЕ БРОЈОТ НА ЖРТВИ: Свлечиштата ја разорија Калифорнија
Објавено во: Свет 11 Јануари, 2018
Расте бројот на жртви од свлечишта во Калифорнија.
Портпаролката на округот Санта Барбара, Амбер Андерсон, денеска изјави дека бројот на жртвите е 17, но додаде дека властите ги проверувале извештаите за многу поголем број исчезнати лица.
Засега 48 луѓе се сметаат за исчезнати по големиот број појави на лизгање на земјиштето кои го зафатија американскиот крајбрежен град Монтекито, северозападно од Лос Анџелес.
Досегашниот биланс на повредени во градот Монтекито е над 28 лица, од кои 12 се во болница, а четворица се во критична состојба. Целосно се уништени 59 куќи, а над 300 се оштетени.
Некои улици во соседствата Монтесито и Санта Барбара се затрупани со смет од поплавите.
Ова е втора природна стихија во Калифорнија во рок од неколку месеци откако државата имаше огромни штети по пожарите во октомври.
Околу 500 спасувачи работат на тоа да му помогнат на населението „заробено“ од калта во нивните домови, а некои се евакуирани со хеликоптери.