(ФОТО+ВИДЕО) СНЕГОТ КАЈ НИВ Е РЕТКА ПОЈАВА: Направи хаос и остави над 280.000 луѓе без струја
Објавено во: Свет 16 Јули, 2017
Снегот направи хаос во Чиле и однесе еден човечки живот.
Поради обилните снежни врнежи, неколку лица добиле сериозни повреди, а има и еден починат. Се работи за работник кој починал додека чистел мраз.
Во градот Сантијаго без струја се повеќе од 280.000 корисници.
Има дефекти во мрежата за снабдување со електрична енергија. Поради снегот се блокирани неколку автопати. Повеќе спортски натпревари се откажани поради временските услови.
Неколку лица се хоспитализирани поради електрични шокови. За Чиле јули е најстудениот месец, но температурата ретко паѓа под нулата. Последен пат снег имало во Сантијаго во 2007 година. Снегот таму е ретка појава. Се очекуваат повторно слаби врнежи од снег.