(ФОТО+ВИДЕО) Свлечиште „збриша“ цел појас и уби 13 лица
Објавено во: Свет 10 Јануари, 2018
По обилниот дожд на југот на Калифорнија, од свлечиште загинаа најмалку 13 лица.
Телата се пронајдени во калта северозападно од градот Лос Анџелес.
Скоро 200 луѓе се однесени во болница.
Лавината од кал откорна од темели и уништи повеќе куќи. Има лица кои се водат како исчезнати. Во многу места жителите се евакуирани со хеликоптери од своите домови. По повеќе часови минати во кал, од една разурната куќа е спасено 14-годишно девојче.
Спасувачките екипи во текот на вчерашниот ден расчистуваа отпад од важниот автопат 101, каде сообраќајот беше во прекин поради катастрофата.
Властите наредија евакуација во Санта Барбара, Вентура и Лос Анџелес, но како што се вели, во Санта Барабара не се евакуирале ниту една петтина од жителите.
Официјалните лица се плашат дека бројот на жртви ќе расте.