ФРАНЦУСКА СТУДИЈА ТВРДИ: Во пелените „Памперс“ има канцерогени материи

Добивај вести на Viber

Токсични хемикалии кои се поврзуваат со одредени видови рак открила француска студија во пелените „Памперс“, пренесе Макфакс.

Студијата ја изработила  Француската здравствена асоцијација Асеф која во пелените пронашла траги од канцерогени материи.

Овие, како што се тврди потенцијално штетни компоненти во пелените, иронично се пронајдени во хемикалиите кои треба да обезбедат заштита на осетливата кожа на бебињата и да ја превенираат од иритација, поточно во петролатумот, која вообичаено се наоѓа во заштитните продукти со навлажувачко дејство.

Сепак, во зависност од тоа каде и како е рафиниран, петролатумот може да биде контаминиран со токсични материи наречени полицикллични ароматични хидрокарбонати (PAHs). 

Истражувачите потенцираат дека екстремно ниски нивоа на хидрокарбонати се најдени во пелените, под 0,2 мг/кг, што легално е дозволено на ниво на Европска унија, но авторите велат дека тоа  не е важно.

„Иако е легално да има траги од овие материи, сепак тоа е многу од морална перспектива“, вели Ферер. Тој се сомнева дека на долг рок може да има ризик за децата кои ги носат овие пелени, додавајќи дека производителите одамна требало да ги преиспитаат методите за производство. 

Proctor and Gamble, сопственикот на брендот „Памперс“, се уште не одговорил на овие обвинувања.

Токму за оваа проблематика досега пишуваа и светските медиуми и организации за здравјето за децата.

Уште во 2014 година имаше предупредувања дека индустријата за пелени користи тешки метали кои можеби се канцерогени.

За овие тврдења повеќе може да прочитате тука.